Rev. Kaw Kung hynh kae Khrihccaawbuu kyaze masaty lan Pastor lan yn tangpya typaw Pastor lu kheit nynh a thua. 2008 kum te atunin ryacia pou yn tangpya.

Rev. Kaw Kung hynh Thangdya, Matupi township, Chin State, Burma kya November 13,1959 nin kya a puipaw nynh thua.  A nungpaw hae tuh Tuicci Paaw Thae Ting te Tuicci Nung Zoi Nung nynh athua hae.

Primary tuh 3 Grd. cia (1967-1970). December saw, 1970 kyate Rezua ki hae zah 3Grd te 4 Grd. tuh Rezua khua kya nynh a kae. Middle School tuh Rezua khua kya (1972-1978) kya a kae. High School tuh Gangaw kya 9Std. cia a kae (1978-1979). Zomi Baptist Theological Seminary, tuh Falam, Chin State, Burma kya (1979-1983) cia kae zah Diploma in Theology a pya hae.  April 1, 1983 kyate Hinthang Baptist Area kya ryalaw a tho. Ordination tuh February 10, 1985, Lungngo Baptist Area Civoi, Tuphae khua kya Rev. Sa Lang nynh kuih khangte sawsangpya hae.

ZBA Mino Secretary (1990-1993). ZBA E&M Secretary (1993-1994). ZBA General Secretary (2001-2003). Bible Translation (Zotung NT-1994-2000).  2004 kya ZBA Zuung kya ka ap. Rezua khua kyate Kalay lang March 4, 2003 ninte a nwekuh hae. 2006 kya Malaysia thua zah 2008 cia ZCF, Malaysia kya Pastor rya a lah. March 10, 2008 kya USA, Milwaukee, Wisconsin State kya sawpaw (6) um koute March 16, 2008 kum kya Maryland state kya a thua. 2008 te atunin ryacia ZCC Maryland Kriccaawbuu kya Pastor lan yn tangpya.

Rev. Zaw Lein Shen tuh March 16, 2007 kum kya Maryland yn thuabua. 2009 kyate ZCC Maryland Khriccaawbuu kya Pastor lan oun tangpya.  Amaw hynh Mindat minphuin lu kheit thua. Pachia nynh sanmae khidepaw Paaw Andrew Myo Chit Maung te 1983 kum kya kuihkynkunaw a raekuh hae. Ccapise lu kheit te ccanopi lu kheit a hoi hae.

Rev. Zaw Lein Shen hynh 2022 kum kya Ordination (Rev) a muebua. Kae Khriccawbuu kya sawsangnaw lante Pachia nynh hythua pya zah myarya kae doliakuhpaw lu kheit a thua.

Rev. Ngun Din a khua tuh Lungngo thua zah 1969 nin kya a puipaw nynh thua. 1988 kum kya khumnaw a mue. 1996 te 1999 kum kyacia hynh ZBA, EC Secretary rya a hae. 1999 kyate 2002 kum ryacia ZBA, Women Secretary rya a hae. Rezua ZBA nolung hynh May 20, 2000 kum kyate amaw nynh a thokhaetypaw a lah thua.

Pachia sueluapaw, Paaw Cia Khai te Jan 11, 2007 kum kya sawsangnaw a mangkuh hae.  Jan 20, 2008 kum kya Malaysia thuabua zah 2010 kum ryacia sunday School sazaemah te nopibuu kya rya a haebua. August 15, 2011 kum kya USA kya a thua.

March 6, 2011 kum te atunin ryacia Pastor lan po oun tangpya. September 4, 2022 nin kya Ordination  (Rev) a muebua. Rev. Ngun Din hynh khumnaw thehooypaw bya ho lante Pachia nynh myarya a mangpaw nynh thua.

Pastor Van Min Thang hynh mission pastor lu kheit athua. A khua tuh Lungngo. USA ram kya Baebu siainn athang koute ZCC Maryland Khriccaawbuu kya mino Pastor lan oun tang pya. AZCA kya zemah Evangelist kya  rya a lah buapaw Pastor nynh thua.

Atu lya kae Khriccawbuu kyate Missionary Pastor lante kae mang  cciamangpaw nynh thua.